ജസ്ററിന്‍ പനയ്ക്കലിന്റെ നാലാമത്തെ ചിത്രകലാ പ്രദര്‍ശനമാണിത്. രാവിലെ 9 മണി മുതല്‍ വൈകുന്നേരം ആറുമണിവരെയാണ് പ്രദര്‍ശന സമയം. ഒക്ടോബര്‍ 28 ന് പ്രദര്‍ശനം സമാപിയ്ക്കും. ഭാരതീയ സംസ്ക്കാരത്തിന് മൂല്യം കൊടുത്ത്, യൂറോപ്യന്‍ സംഗ്ക്കാരവുമായി സമന്വയിപ്പിച്ചാണ് പല സൃഷ്ടികളും ചമയ്ക്കുന്നത്. കൊളോണ്‍ കാരിത്താസില്‍ നിന്നും പ്രസിദ്ധീകരിച്ചിരുന്ന എന്റെ ലോകം(നിവില്‍ നമ്മുടെ ലോകം) ലിറ്ററേച്ചര്‍ മാസികയുടെ മുഖചിത്രത്തിന് ഇരുപത് വര്‍ഷക്കാലം നിറക്കൂട്ട് ചാര്‍ത്തിയത് ജസ്ററിന്റെ മനോമുകുരത്തില്‍ വിരിഞ്ഞ രൂപങ്ങളായിരുന്നു.കൊളോണ്‍ കേരള സമാജം, ദര്‍ശന തീയേറ്റേഴ്സ് എന്നീ പ്രസ്ഥാനങ്ങളില്‍ സജീവപ്രവര്‍ത്തകനാണ്.
ഉദ്ഘാടനത്തോടനുബന്ധിച്ച് ലുഡ്വിഗ് പ്രേഗറിന്റെ സിത്താര്‍ മ്യൂസിക് ഉണ്ടായിരുന്നു. ജസ്ററിന്‍ പനയ്ക്കലിനു വേണ്ടി കൊളോണ്‍ കേരള സമാജം പ്രസിഡന്റ് ജോസ് പുതുശേരി നന്ദി പറഞ്ഞു. യൂറോപ്പിലെ പ്രശസ്തനായ ചിത്രകാരന്‍ മാക്സ് ഏണസ്ററിന്റെ ജന്മസ്ഥലമായ ബ്രൂളില്‍ കഴിഞ്ഞ 43 വര്‍ഷമായി കുടുംബസമേതം (ഭാര്യ എലിസബെത്ത്, മകള്‍ ജാസ്മിന്‍, മകന്‍ ജെന്‍സ്) താമസിയ്ക്കുന്ന ജസ്ററിന്‍ എറണാകുളം കുമ്പളങ്ങി സ്വദേശിയാണ്.
Comments: